Skip to main content

Apps Tangkai - You Tube En Chunga Apps Dang Khawih Theihna

Image
By Ramlawt Dinpuia,
You Tube En Chunga Apps Dang Khawih Theihna

Ram dang ang chu la ni pha chiah lo mah ila internet chak ve pangngai tak kan lo hmang thei ta a. Thingtlang hmun kilkhawr ber aṭang pawhin khawvel letliam kan dak pha ve ta zuai zuai mai. Chu chu hmasawnna leh changkanna tih loh rual a ni lo a, nghawng ṭha lo lam tam tak neiin thil chhia tam tak keng mah se a ṭha lam zawngin ṭangkaina tam tak a nei tho bawk. Tin, dan leh khap rual a nih loh avangin keimahni ṭheuhah a tawk kan thliar thiam mai a ngai a ni.

Social media hrang hrang kan hman zingah tun hnai kum hnih thum chhung leka kan hman nasat ber pawl ni chho ta chu you tube hi a ni a. Kil hrang hrang aṭangin you tuber pawh an lo chhuak zut zut a, thlir sen loh leh hriat kim sen loh Mizote zingah pawh content creator ṭha tak tak an lo chhuak zel a. An thiamna leh thawhrimna avangin mipui pawhin kan duh leh mamawh, kan mamawh chiah lem loh thlengin kan lo ban pha ta zel a ni.

Read More: Zan Lalnu Kan Tih Hi Eng Nge A Nih?

You Tube kan han hawng a, video ṭha leh hmuhnawm tak kan en a. Ṭhenkhat phei chuan thawnthu ngaihnawm tak tak kan ngaithla bawk a. Hmuhnawm ti taka kan en lai leh ngaihnawm ti em ema kan ngaihthlak laiin whatsapp message a lo thleng a, calculator hman zuai ngai te, facebook luh ngai tlat te, instagram khawih zuai ngai te, application dang hawn ngei ngei a ṭul chang te a lo awm ṭhin a. Chung hunah chuan You Tube chhuahsan lailawk a ngai a, eng emaw chang phei chuan kan video en laklawh lai kha a lo bo hman ṭhin!

Chutiang harsatna chu tunlaia mi zawng zawng deuh thawin kan tawh a ni a, tih ngaihna dang vak hre chuang si loin kan insawh kan insawh a. Mahse chu harsatna su kiang thei tur, You Tube en pah reng chunga application dang khawih theihna a awm tih kan hre tawh ngai em?

You Tube En Chunga Apps Dang Khawih Theihna

Kan mobile phone-ah You Tube en chunga thil dang tih theihna chu You Tube Vanced hi a ni. Khawvel pumah hmangtu tam tak an awm tawh a, a ni telin hmangtu hi an pung telh telh bawk a ni.

Read More: Indian National Movement in Mizo

You Tube Vanced chu You Tube siam danglam, You Tube modification version a ni. You Tube neitu Google company-in You Tube-a an dah tel loh thil ṭhenkhat awmna a ni ber. Ṭawngkam danga sawi chuan You Tube ṭha leh changtlung zawk tihna a ni ber ang chu.

You Tube Vanced hi You Tube pangngai ang tho a ni a, You Tube-a kan tih theih zawng zawng kha a tih ve theih vek a. A danglamna erawh chu You Tube pangngaia awm tel lo thil ṭhenkhat a awm tel hi a ni. 

You Tube pangngai aṭanga tih theih loh You Tube Vanced aṭanga tih theih si te chu

1. Video en laiin chhuahsan emaw pause emaw kher ngai loin application dang a khawih theih. 

2. You tube video en laklawh laia advertisement lo awm ve chhen ṭhin hi you tube vanced-ah chuan a awm ve lo.

3. You tube pangngaiah chuan video pakhat zawhah video dang en leh turin Play Now tih emaw kha hmeh zel a ngai a, you tube vanced-ah chuan chutiang ngai loin amahin a lo inplay tawp thei a ni.

Heng kan tarlan bakah hian You Tube Vanced hian feature dang tam tak a nei a. A langsar zual te chu

Read More: Mizoram VC/LC Inthlan 2020 - Hripui Karah Tu Nge Kan Vote Ang?

You Tube En Chunga Apps Dang Khawih Theihna

Kan sawi mek You Tube Vanced hi Google Playstore aṭang pawhin a download mai theih a. A nih loh pawhin internet browser dang aṭang pawhin a application apk download tur tam tak a awm bawk. A hnuaiah hian download theihna tur link a awm bawk.

Read More: Kawlkil Piah Lamtluangah Zawlaidi - Natalia

You Tube Vanced download link

You Tube Vanced chu kan han download ta a, account sign in kher ngai lo pawhin duh ang angin a hman theih a. Mahse account sign in tur erawh chuan MicroG kan download tel a ngai thung. 

You Tube Vanced install dan:

1. Hemi Link aṭang hian Vanced i download ang.

2. I download zawhah install tih hmetin i install ang a, chuan i open ang. [Hetah hian screen chung lama 'non root' tih kha select tur a ni.

3. MicroG bula install tih kha i hmet leh ang.

4. I phone setting aṭanga unknown app install thei tura siam dan lo lang angin i ti ang.

5. MicroG chu a lo in download ang a, a zawh hunah install tih i hmet leh ang.

6. Vanced tih bula install kha hmeh leh tur a ni.

7. I theme duh i thlang ang a, next i hmet ang.

8. Eng ṭawng nge i hman duh i thlang ang a, finish i hmet ang.

9. Vanced a lo in download ang a, install i hmet leh ang.

10. Congrats. A zo ta!

Read More: Covid-19 Vaccine[in Mizo]

MicroG hi Google Libraries chi khat, Google Play Service thlak tura German developer Marvin Wibfeld duan chhuah a ni a. MicroG hian mobile hmangtuten Google mobile service hrang hrang tracking tlem zawk chunga an hman theihna tur a ni.

You Tube En Chunga Apps Dang Khawih Theihna

He article hi i hlawkpui emaw i ṭangkaipui emaw a nih chuan khawngaih takin blog hi min subscribe sak ve la, article ṭangkai leh ngaihnawm tak tak i lo hmu ve zel dawn a nia. 

Read More: Zuahliana Thawnthu

Labels:

Comments

Post a Comment

Popular posts from this blog

Mizo Sermon : Kan Dam Chhan

By Ramlawt Dinpuia,
Hranghlui zaithiam C. Vansanga hla pakhat lar thar leh em em  a awm a, chu chu ‘Kan Damchhan’ tih kha a ni. Aw eng a’n nge maw Khuanu hian Hringnun hi a lo duan le? Thamral leh mai tur hian em ni le? Duh vang rengin kan piang si lo. tiin mihringa zawhna awm leh mihringte rilru tibuai fotu zawhna lian tak kha hla hmangin a rawn puang chhuak a. Engvangin nge he khawvelah hian ka lo pian chhuah ve ringawt a, engvangin nge he leiah hian ka lo awm ve? Ka nun hian eng nge awmzia a neih a, kan nun hian eng hlutna nge a neih ve le? Dam reng hian awmzia a nei meuh em ni? tih inzawtin nun awmze hriat lohna a hring a, chu chuan mahni nunna pawh hlut zo tawh lo turin min hnuk lut a, thalai tam tak an nunna titawpin mual an lo liam ta a ni. Vawiina la dam hram hram keini zingah pawh hian existential crisis an tihin a bawh buai eng emaw zat kan awm ngei ang. Nun hi eng nge maw a awmzia le? Nunna hi engvang nge maw a lo awm ve ringawt le? Thamral leh tur ringawt hian em ni kan lo awm ...
Post a Comment
Read more

Mizo Kutchhuak Poetry Bu

By Ramlawt Dinpuia,
Mahni puala hawrawp kan neih aṭanga vawiin thleng hian lehkhabu buatsaih leh tihchhuah lamah hma kan sawn ve zel a. Induhkhawp loh chang tam viau ṭhin mah se mahni tawkah chuan literature huangah hian thleng thui ve tawh tak kan ni. Kum tin lehkhabu chi hrang hrang pawh za chuang chuang a chhuak ve zut zut a, hmasawnna tih loh rual a ni lo. Literature ṭhuang hrang hrang pawh kan dai dar chho ve zel a, ṭhenkhatah phei chuan hausa ve tawh tak te pawh kan ni kan ti thei ang. Amaherawh chu kan lehkhabu chhuah dan hrang hrang thlir erawh chuan literature ze hrang hrang zinga upa ber pawl poetry lamah erawh chuan kan la pachhe angreng viau a, poetry hlang lehkhabu pawh kan la ngah lo hle. Kum 1989 aṭanga Mizo Academy of Letters-in kum tin an thlan ṭhin Book of the Yearah pawh kan mi thiam F. Lalzuithanga sawi danin top 10 thleng thei kum 2019 thleng khan 10 chauh a la awm. Chutih rual erawh chuan poetry bu hi a chhuak ve leh zauh zauh ṭhin a. Tunhnai chhoah phei chuan pun pawh a pung chak v...
7 comments
Read more

Mizo Sermon : A Hun Loa Rawngbawl

By Ramlawt Dinpuia,
Khawvelah kum 30 vel a cham chhunga chawimawi a hlawh ve awm chhun ropui taka Jerusalem an luh hnu khan Isua leh a zirtirte kha Bethani-ah an let leh a, zan an riak nghe nghe. A tukah, chu khua aṭanga an chhuah leh hnu chuan zing thingpui an in hman lo te pawh a ni maithei, Isua kha a rilṭam ta tlat a. Chutia rilṭam taka a awm lai chuan ral hla deuh takah theipui kung hnah hring dup mai hi a hmu a. "A rah ka hmu dah law maw," tiin a va pan a, mahse a rah reng reng a lo awm lo. Theipui rah hun a ni lo miau a! Khawvel thlirna aṭang chuan, "theipui rah hun pawh a ni lo a, a rah a lo awm lo hi a awm reng a nih hi" tih mai tur a ni a. Mahse Isua chuan theipui, a rah hun ni miah loa rah lo chu, a rah loh avangin a hau hlum hmak! Isua pawh hi a timak ve reng reng, a rah hun lai taka rah lo palh chu hau hlum pawh ni se a awm reng a, leilung kal danah hian a dem awm hauh lo ang. Mahse, a rah hun laia lo rah lo pawh ni lo, a rah hun ni miah loa rah lo kha a pawm awzawng lo! P...
Post a Comment
Read more