Skip to main content

Mizo Sermon : A Hun Loa Rawngbawl

Image
By Ramlawt Dinpuia,
Mizo Digest

Khawvelah kum 30 vel a cham chhunga chawimawi a hlawh ve awm chhun ropui taka Jerusalem an luh hnu khan Isua leh a zirtirte kha Bethani-ah an let leh a, zan an riak nghe nghe. A tukah, chu khua aṭanga an chhuah leh hnu chuan zing thingpui an in hman lo te pawh a ni maithei, Isua kha a rilṭam ta tlat a. Chutia rilṭam taka a awm lai chuan ral hla deuh takah theipui kung hnah hring dup mai hi a hmu a. "A rah ka hmu dah law maw," tiin a va pan a, mahse a rah reng reng a lo awm lo. Theipui rah hun a ni lo miau a!

Khawvel thlirna aṭang chuan, "theipui rah hun pawh a ni lo a, a rah a lo awm lo hi a awm reng a nih hi" tih mai tur a ni a. Mahse Isua chuan theipui, a rah hun ni miah loa rah lo chu, a rah loh avangin a hau hlum hmak! Isua pawh hi a timak ve reng reng, a rah hun lai taka rah lo palh chu hau hlum pawh ni se a awm reng a, leilung kal danah hian a dem awm hauh lo ang. Mahse, a rah hun laia lo rah lo pawh ni lo, a rah hun ni miah loa rah lo kha a pawm awzawng lo!

Pathian rawngbawl te, Lalpa tana rah chhuah te hi a hun leh hun rih loh hun te awmin kan ngai ṭhin a. Zirlai tan chuan han zir zawh phawt a, hna ṭha tak han neih phawt te hi a awm viau mai, khawvel mitah chuan. Mahse leilung dana a rah hun loh lai taka theipui rah hmuh tumtu kan Lalpa hian khawvel thlirna te, leilung dan te hi a ngaipawimawh viau ang em?

Khawngaihna avangin, a khawngaihna vang chauhin rawngbawlna tur te min buatsaihsak ṭhin a, kan ti ṭha peih lo a, kan tlansan mawlh mawlh chung hian khawngaihna avang zawk chuan min thlang leh ṭhin. He khawngaihna avang hian hun leh hun lo te, kan hman leh hman loh te hi sawi thei kan ni dawn em ni?

"He ka zirlai hi ka zir zo phawt ang a, hna ṭha tak ka thawk ve phawt ang a, matric ka pass phawt ang a, college ka zo phawt ang a... etc.," lo tih a, khawngaihna hi hnar tur kan lo ni reng reng lo.

Tirhkoh Paula'n Timothea a fuihna chu, "Thu chu hril rawh; a hunah te, a hun lovah te pawh bei zel rawh" tih a ni. Khawvelin hun a tih leh tih loh te, keimahni lam kan inpeih leh inpeih loh lam te hi kan thlir tur a lo ni lo e. A hunah leh a hun loh lai tak pawha hril tur, rawngbawl tur kan lo ni e.

Khawngaihna avang chauha kan chan a ni si a.
Labels:

Comments

Post a Comment

Popular posts from this blog

Mizo Sermon : Kan Dam Chhan

By Ramlawt Dinpuia,
Hranghlui zaithiam C. Vansanga hla pakhat lar thar leh em em  a awm a, chu chu ‘Kan Damchhan’ tih kha a ni. Aw eng a’n nge maw Khuanu hian Hringnun hi a lo duan le? Thamral leh mai tur hian em ni le? Duh vang rengin kan piang si lo. tiin mihringa zawhna awm leh mihringte rilru tibuai fotu zawhna lian tak kha hla hmangin a rawn puang chhuak a. Engvangin nge he khawvelah hian ka lo pian chhuah ve ringawt a, engvangin nge he leiah hian ka lo awm ve? Ka nun hian eng nge awmzia a neih a, kan nun hian eng hlutna nge a neih ve le? Dam reng hian awmzia a nei meuh em ni? tih inzawtin nun awmze hriat lohna a hring a, chu chuan mahni nunna pawh hlut zo tawh lo turin min hnuk lut a, thalai tam tak an nunna titawpin mual an lo liam ta a ni. Vawiina la dam hram hram keini zingah pawh hian existential crisis an tihin a bawh buai eng emaw zat kan awm ngei ang. Nun hi eng nge maw a awmzia le? Nunna hi engvang nge maw a lo awm ve ringawt le? Thamral leh tur ringawt hian em ni kan lo awm ...
Post a Comment
Read more

Mizo Kutchhuak Poetry Bu

By Ramlawt Dinpuia,
Mahni puala hawrawp kan neih aṭanga vawiin thleng hian lehkhabu buatsaih leh tihchhuah lamah hma kan sawn ve zel a. Induhkhawp loh chang tam viau ṭhin mah se mahni tawkah chuan literature huangah hian thleng thui ve tawh tak kan ni. Kum tin lehkhabu chi hrang hrang pawh za chuang chuang a chhuak ve zut zut a, hmasawnna tih loh rual a ni lo. Literature ṭhuang hrang hrang pawh kan dai dar chho ve zel a, ṭhenkhatah phei chuan hausa ve tawh tak te pawh kan ni kan ti thei ang. Amaherawh chu kan lehkhabu chhuah dan hrang hrang thlir erawh chuan literature ze hrang hrang zinga upa ber pawl poetry lamah erawh chuan kan la pachhe angreng viau a, poetry hlang lehkhabu pawh kan la ngah lo hle. Kum 1989 aṭanga Mizo Academy of Letters-in kum tin an thlan ṭhin Book of the Yearah pawh kan mi thiam F. Lalzuithanga sawi danin top 10 thleng thei kum 2019 thleng khan 10 chauh a la awm. Chutih rual erawh chuan poetry bu hi a chhuak ve leh zauh zauh ṭhin a. Tunhnai chhoah phei chuan pun pawh a pung chak v...
7 comments
Read more