Skip to main content

Mizo Sermon : A Hmela Damna Avangin

Image
By Ramlawt Dinpuia,
Nunna hi natna mai a nih chang a tam thin a, dam thlakhlelhna reng nei lo tur khawpa hringnun thlipuiin min nuai nawk nawk chang pawh a tam. Nunnaah ni lovin thihnaah zawk damna a awm beisei tlat chang pawh mi zawng zawng hian kan nei tawh vek maithei. Thenkhat, chu kawng chu thlang ta zawk a, an nunna takngial pawh hlut zo ta ngang lo te pawh an awm.

Nun hian hlutna reng a neih loh va, khawvel hian mawina a pek theih loh chinah, fiamthu pawhin min tihnuih phak tawh loh hnuah hi chuan chaua kun tlawk tlawk a awl duh khawp. Chu'ng hunah chuan ni thar lo chhuak hian beiseina a rawn chhuahpui ve tawh lo a, fur khua-a chhum leivak a zing pik chun ang hian kan nun chu thawk harsa khawpin a thim chhah thin. Harsatnain min bawh tak tak a, hringnunin min hran khum tak tak hi chuan hlimna leh beiseina tih vel chu engmah lo mai a ni.

Min duhsaktute, thian thenkhatte'n thu tha tak tak min han hrilh a, min fuih mawlh mawlh tawk an awm bawk a. Mahse chu'ng thu tha leh ropui pawh chu bengchheng satliah mai mai!

He khawvelah hian hmasawn a, rual phak ve tumin kan tlan a, tih hreh leh tih loh hreh tak tak pawh hi kan nei tawh lo. Hmalam hun beisei a, chumi thlirna chuan min nawrkalin min tichak fo. Mahse chu'ng pawhin a nawr kal theih tawh loh, khawvelah hian bei a dawn hulhual hun a awm zing em em mai si a. Van a reh vung vung a, Pathian a awm ta lo emaw tih turin kan nun hian hnemhnanna a tlachham thin.

Mi chi hrang hrang, ngaihtuahna hran hran nei kan nih avangin kan duhsam leh beisei pawh a inang lo nasa em em hlawm a. Khawvel nuam zawk leh nawm zawkna erawh kan beisei tlang vek– kan beisei dan dang mah se.

Mahsela, he khawvel hi famkim lohna khawvel kha a la ni tho si a, khawvel nuam leh tha zawk kan beiseina kha beidawnnaah a chang thuai a, he leia thil awmtea rinna kan nghah kha a chhe har si lo a! Beidawnga tluin kan kulcho zo ta a ni.

Ni e, khawvel thil, chhia a, ral zung zung theia beiseina kan daha rinna kan nghah tlat chuan kan beidawng nawn awn awn reng ang chu. 'Innghahna tlak dang' a awm lo tlat a lawm– Pathian loah chuan. 

Mihring chu keimahni hi kan inngaipawimawh lutuk a, keimahni hi kan indah lian lutuk thin a. Kan beisei leh duhthusam lo anga thil thlengte kha kan nun bawhbuaitu atan kan hmang reng a, he mihring hi famkim lo a nih si avangin he mihring leh a chunga thilthleng ngawt kan thlir chuan beidawn loh theih a ni reng hleinem!

Ral leh tur, chhe leh tur, tlu-a chau leh tur mihring ni lovin Pathian zawk khi beisei ila, Pathian hmela damna awm avang chuan kan beiseina a thlawn tawp lo vang.

‘Aw ka nunna, engah nge I kun reng?
Engah nge ka chhungah hian I buai ni?
Pathian beisei rawh: a hmela damna avangin
Amah chu ka la fak dawn si a.’
- Sam 42:5

Mizo Digest



  
Labels:

Comments

Post a Comment

Popular posts from this blog

Mizo Sermon : Kan Dam Chhan

By Ramlawt Dinpuia,
Hranghlui zaithiam C. Vansanga hla pakhat lar thar leh em em  a awm a, chu chu ‘Kan Damchhan’ tih kha a ni. Aw eng a’n nge maw Khuanu hian Hringnun hi a lo duan le? Thamral leh mai tur hian em ni le? Duh vang rengin kan piang si lo. tiin mihringa zawhna awm leh mihringte rilru tibuai fotu zawhna lian tak kha hla hmangin a rawn puang chhuak a. Engvangin nge he khawvelah hian ka lo pian chhuah ve ringawt a, engvangin nge he leiah hian ka lo awm ve? Ka nun hian eng nge awmzia a neih a, kan nun hian eng hlutna nge a neih ve le? Dam reng hian awmzia a nei meuh em ni? tih inzawtin nun awmze hriat lohna a hring a, chu chuan mahni nunna pawh hlut zo tawh lo turin min hnuk lut a, thalai tam tak an nunna titawpin mual an lo liam ta a ni. Vawiina la dam hram hram keini zingah pawh hian existential crisis an tihin a bawh buai eng emaw zat kan awm ngei ang. Nun hi eng nge maw a awmzia le? Nunna hi engvang nge maw a lo awm ve ringawt le? Thamral leh tur ringawt hian em ni kan lo awm ...
Post a Comment
Read more

Mizo Kutchhuak Poetry Bu

By Ramlawt Dinpuia,
Mahni puala hawrawp kan neih aṭanga vawiin thleng hian lehkhabu buatsaih leh tihchhuah lamah hma kan sawn ve zel a. Induhkhawp loh chang tam viau ṭhin mah se mahni tawkah chuan literature huangah hian thleng thui ve tawh tak kan ni. Kum tin lehkhabu chi hrang hrang pawh za chuang chuang a chhuak ve zut zut a, hmasawnna tih loh rual a ni lo. Literature ṭhuang hrang hrang pawh kan dai dar chho ve zel a, ṭhenkhatah phei chuan hausa ve tawh tak te pawh kan ni kan ti thei ang. Amaherawh chu kan lehkhabu chhuah dan hrang hrang thlir erawh chuan literature ze hrang hrang zinga upa ber pawl poetry lamah erawh chuan kan la pachhe angreng viau a, poetry hlang lehkhabu pawh kan la ngah lo hle. Kum 1989 aṭanga Mizo Academy of Letters-in kum tin an thlan ṭhin Book of the Yearah pawh kan mi thiam F. Lalzuithanga sawi danin top 10 thleng thei kum 2019 thleng khan 10 chauh a la awm. Chutih rual erawh chuan poetry bu hi a chhuak ve leh zauh zauh ṭhin a. Tunhnai chhoah phei chuan pun pawh a pung chak v...
7 comments
Read more

Mizo Sermon : A Hun Loa Rawngbawl

By Ramlawt Dinpuia,
Khawvelah kum 30 vel a cham chhunga chawimawi a hlawh ve awm chhun ropui taka Jerusalem an luh hnu khan Isua leh a zirtirte kha Bethani-ah an let leh a, zan an riak nghe nghe. A tukah, chu khua aṭanga an chhuah leh hnu chuan zing thingpui an in hman lo te pawh a ni maithei, Isua kha a rilṭam ta tlat a. Chutia rilṭam taka a awm lai chuan ral hla deuh takah theipui kung hnah hring dup mai hi a hmu a. "A rah ka hmu dah law maw," tiin a va pan a, mahse a rah reng reng a lo awm lo. Theipui rah hun a ni lo miau a! Khawvel thlirna aṭang chuan, "theipui rah hun pawh a ni lo a, a rah a lo awm lo hi a awm reng a nih hi" tih mai tur a ni a. Mahse Isua chuan theipui, a rah hun ni miah loa rah lo chu, a rah loh avangin a hau hlum hmak! Isua pawh hi a timak ve reng reng, a rah hun lai taka rah lo palh chu hau hlum pawh ni se a awm reng a, leilung kal danah hian a dem awm hauh lo ang. Mahse, a rah hun laia lo rah lo pawh ni lo, a rah hun ni miah loa rah lo kha a pawm awzawng lo! P...
Post a Comment
Read more