Skip to main content

Mizo Poetry : Laldenga

Image
By Ramlawt Dinpuia,

Mi tam takin Mizo hnam pa anga an ngaih leh zalenna min sualpuitu, Mizoram state Chief Minister hmasa ber ni bawk Laldenga chu kum 30 liam ta, 1990 July ni 7 khan kum 63 mi niin a boral a. Mizo hnam tana arsi eng ber pawl leh kan hnam chanchina nghawng nei lian ber tih hial theih chuan uitu a ngah hle a nih kha.


Laldenga nationalism leh independence movement kha tun hnu hian kan tawmpui emaw tawmpui lo emaw kan ram leh hnama sulhnu a hnutchhiah hi haider rual a ni lo a, a huhang thang vel ina Mizo nationalism a chawhnun nasatzia lah theihnghilh theih a ni lo ang.

See orther important day

Mi tam tak tan hnam pa ni mah se tam tak tan phatsantu leh sernung siamsaktu a ni tel a, mi tam tak tan mi ropui chungchuang ni mah se tam tak tan natna thlentu mai a ni ve thei bawk. Eng pawh chu ni se kan chanchina pa thawm na ber leh chhinchhiah tlak ber pawl a nihna erawh thaibo theih a ni lo.


Vawiin a thih atanga kum 30 liam hnu pawh hian Lalduhoma'n a ruang chunga 'Laldenga dam reng rawh se' a tih ang khan a la nung ta reng a, kan hnam awm chhung chu a thi lo ang. 


Laldenga

Duhthusam a tak chantir tumin
Chhun tawnmang mawl umin
Kawng awm lo chu a zawh a,
Rala ram mawi an kai theih nan
Lei dawh loh luipui chu a dai a.

Nunna thapa pen chhuak khan
Nunna sang tam a hruai a:
Hnehna chan tuma rawl chhuah leh
Mangang rum ri'n tlang a tuam a,
Chengrang rawl a rin ber laiin
Ruam tinah thisen thianghlim a luang.

Aigupta ram ațangin a hruai chhuak a,
Tuipuisen kanin thlaler a rahpui a,
Kanan ram erawh a hruai thleng lo.
Beiseina mei a chhitsak hnuah
Beidawna puan dum a zar hnan leh a,
Muhil kai thotu a ni a,
Mangchhe rapawm hnutchhiahtu pawh.

A zawn zalenna chu hmu lo mah se
Thinlung thawpik a chhuah zalen a,
A beisei angin hlawhtling lo mah se
Hlawhchham erawh a hlawhchham lo.
Van sanga arsi ang maiin
A thih hnuah a la eng reng a,
Țawih ral tura an vuiliam hnu pawhin
A la nung ta reng a!

- Ramlawt Dinpuia






Labels:

Comments

Post a Comment

Popular posts from this blog

Mizo Sermon : Kan Dam Chhan

By Ramlawt Dinpuia,
Hranghlui zaithiam C. Vansanga hla pakhat lar thar leh em em  a awm a, chu chu ‘Kan Damchhan’ tih kha a ni. Aw eng a’n nge maw Khuanu hian Hringnun hi a lo duan le? Thamral leh mai tur hian em ni le? Duh vang rengin kan piang si lo. tiin mihringa zawhna awm leh mihringte rilru tibuai fotu zawhna lian tak kha hla hmangin a rawn puang chhuak a. Engvangin nge he khawvelah hian ka lo pian chhuah ve ringawt a, engvangin nge he leiah hian ka lo awm ve? Ka nun hian eng nge awmzia a neih a, kan nun hian eng hlutna nge a neih ve le? Dam reng hian awmzia a nei meuh em ni? tih inzawtin nun awmze hriat lohna a hring a, chu chuan mahni nunna pawh hlut zo tawh lo turin min hnuk lut a, thalai tam tak an nunna titawpin mual an lo liam ta a ni. Vawiina la dam hram hram keini zingah pawh hian existential crisis an tihin a bawh buai eng emaw zat kan awm ngei ang. Nun hi eng nge maw a awmzia le? Nunna hi engvang nge maw a lo awm ve ringawt le? Thamral leh tur ringawt hian em ni kan lo awm ...
Post a Comment
Read more

Mizo Kutchhuak Poetry Bu

By Ramlawt Dinpuia,
Mahni puala hawrawp kan neih aṭanga vawiin thleng hian lehkhabu buatsaih leh tihchhuah lamah hma kan sawn ve zel a. Induhkhawp loh chang tam viau ṭhin mah se mahni tawkah chuan literature huangah hian thleng thui ve tawh tak kan ni. Kum tin lehkhabu chi hrang hrang pawh za chuang chuang a chhuak ve zut zut a, hmasawnna tih loh rual a ni lo. Literature ṭhuang hrang hrang pawh kan dai dar chho ve zel a, ṭhenkhatah phei chuan hausa ve tawh tak te pawh kan ni kan ti thei ang. Amaherawh chu kan lehkhabu chhuah dan hrang hrang thlir erawh chuan literature ze hrang hrang zinga upa ber pawl poetry lamah erawh chuan kan la pachhe angreng viau a, poetry hlang lehkhabu pawh kan la ngah lo hle. Kum 1989 aṭanga Mizo Academy of Letters-in kum tin an thlan ṭhin Book of the Yearah pawh kan mi thiam F. Lalzuithanga sawi danin top 10 thleng thei kum 2019 thleng khan 10 chauh a la awm. Chutih rual erawh chuan poetry bu hi a chhuak ve leh zauh zauh ṭhin a. Tunhnai chhoah phei chuan pun pawh a pung chak v...
7 comments
Read more

Mizo Sermon : A Hun Loa Rawngbawl

By Ramlawt Dinpuia,
Khawvelah kum 30 vel a cham chhunga chawimawi a hlawh ve awm chhun ropui taka Jerusalem an luh hnu khan Isua leh a zirtirte kha Bethani-ah an let leh a, zan an riak nghe nghe. A tukah, chu khua aṭanga an chhuah leh hnu chuan zing thingpui an in hman lo te pawh a ni maithei, Isua kha a rilṭam ta tlat a. Chutia rilṭam taka a awm lai chuan ral hla deuh takah theipui kung hnah hring dup mai hi a hmu a. "A rah ka hmu dah law maw," tiin a va pan a, mahse a rah reng reng a lo awm lo. Theipui rah hun a ni lo miau a! Khawvel thlirna aṭang chuan, "theipui rah hun pawh a ni lo a, a rah a lo awm lo hi a awm reng a nih hi" tih mai tur a ni a. Mahse Isua chuan theipui, a rah hun ni miah loa rah lo chu, a rah loh avangin a hau hlum hmak! Isua pawh hi a timak ve reng reng, a rah hun lai taka rah lo palh chu hau hlum pawh ni se a awm reng a, leilung kal danah hian a dem awm hauh lo ang. Mahse, a rah hun laia lo rah lo pawh ni lo, a rah hun ni miah loa rah lo kha a pawm awzawng lo! P...
Post a Comment
Read more