Mizo Digest

Sawihawnna             Tunlai huna ngaihdan (ideology) langsar, ram la zau leh darh chak ber pawl zingah Feminism hi lam hmaih theih a ni kher lo ang. Mizote zingah pawh kum eng emaw chen a\ang khan hriat a hlawh tawh a, tunhnaiah phei chuan sawi pawh kan sawi lar hle. A nihna tak hre lem lo pawhin a hming tal chu kan hre belin lam pawh kan lam zing viau a. A enga mah hmaa lo pawng do ngawt kan tam rualin lo sahuai thing vawn \un pawh kan tam viau.             Khawvel al hnehtu ngaihdan (ideology) dang ang thoin feminism pawh hian thu leh hla a hring tamin, thu leh hla huangah hniak a hnutchhiah chiar ve dup a. “Thil dang zawng aiin thu leh hla hi hmeichhiate tan, an ngaihtuahna chhungril, khawtlanga an dinhmun, inkungkaihna thar leh an nuna an duhthlanna tak tak dap chhuahna a nih bakah an chhehvela intluk tlan lohna awm do let tura hmanraw \ha ber a ni a ( Literature, ...

  Mafaa Hriat Sual Mafaa Hauhnar kha Mizo zingah chuan thu leh hla lamah tu hnuai maha awm chuang lo tih tur khawpa dai zau leh thleng thui a ni a. Poetry chungchang bikah phei chuan \hangthar ten kan entawn rawn leh kan zui ber a ni. Tunhnaia poetry lam harhtharna thleng mekah pawh hian a sulsutu ber pakhat a ni kan ti lo thei lo ang. Kum 1997-a tihchhuah Chawlhna Tuikam lehkhabuah khan poetry chi hrang hrang 26 a chuang a. Chu’ng poetry chu eng form hmanga ziah nge a nih tih sawi langin, chu poetry form chu sawi fiahna leh an chin chhoh dan   tawi a dah tel zel bawk. Mizote poetry form hrang hrang min hmelhriattir a ni. Mahse Mafaa Hauhnarin Chawlhna Tuikam lehkhabua poetry form hrang hrang a sawi zingah hian sawi fuh tawk loh leh sawi \helh deuh a neih a awm ve a. A hmelhriat hmasa leh a sawi hmasatu a nih avang te, Mafaa a nih hrim hrim avang te pawhin a sawi dik loh ang anga kan lo pawm zui a awm bawk a. Chu chu Haiku form hi a ni. ‘Haiku hi Mizo tlar-thum-zai [ang] thova...